2017
മാര്ച്ചിലെ എസ്.എസ്.എല്.സി പരീക്ഷയില് സാമൂഹ്യശാസ്ത്ര ചോദ്യപ്പേറില്
ചില ക്രമീകരണങ്ങള് വരുത്തി. ഉളളടക്കഭാരവും പരീക്ഷാ സമ്മര്ദവും
ലഘൂകരിക്കുന്നതിനാണിത്.
സാമൂഹ്യശാസ്ത്ര പരീക്ഷ ചോദ്യപേപ്പറില് എ, ബി എന്നിങ്ങനെ രണ്ട്
ഭാഗങ്ങള് ഉണ്ടായിരിക്കും. രണ്ട് ഭാഗങ്ങള്ക്കും 40 വീതം സ്കോറുകളാണ്
നല്കിയിരിക്കുന്നത്. എ വിഭാഗത്തിലെ എല്ലാ ചോദ്യങ്ങള്ക്കും
നിര്ബന്ധമായും ഉത്തരമെഴുതണം. ബി വിഭാഗത്തിലുളള ചോദ്യങ്ങളില് നിന്ന്
നിശ്ചിത എണ്ണം തിരഞ്ഞെടുത്ത് ഉത്തരം എഴുതുന്നതിന് അവസരം ലഭിക്കും.
സാമൂഹ്യശാസ്ത്രത്തിന് രണ്ട് പാഠപുസ്തകങ്ങളാണ്
നിര്ദേശിച്ചിരിക്കുന്നത്. ഇവയില് നിന്നു തിരഞ്ഞെടുത്ത ഒമ്പത്
അധ്യായങ്ങളാണ് എ വിഭാഗത്തില് ഉള്പ്പെടുത്തിയിരിക്കുന്നത്. ശേഷിക്കുന്ന
പന്ത്രണ്ട് അധ്യായങ്ങളെ രണ്ടിന്റെ ക്ലസ്റ്ററുകളായി തിരിച്ച് ബി
വിഭാഗത്തില് ഉള്പ്പെടുത്തിയിരിക്കുന്നു. ഈ ക്ലസ്റ്ററുകളില് നിന്ന്
കുട്ടികള്ക്ക് ഒന്നു വീതം തിരഞ്ഞെടുത്ത് പൊതുപരീക്ഷയ്ക്കു വേണ്ടി
പഠിക്കാന് അവസരം ലഭിക്കും. ഇതിലൂടെ പഠനത്തിനായി നിര്ദേശിച്ചിരിക്കുന്ന
പാഠഭാഗങ്ങളില് നിന്ന് ആറ് അധ്യായങ്ങള് ഒഴിവാക്കി പരീക്ഷാ തയ്യാറെടുപ്പ്
നടത്തുവാന് കുട്ടികള്ക്ക് കഴിയും. വിശദാംശങ്ങളും മാതൃകാ ചോദ്യപേപ്പറും
എസ്.സി.ഇ.ആര്.ടി വെബ്സൈറ്റില് (www.scertkerala.gov.in) ലഭിക്കും.
SSLC EXAMINATION-2017_Modification of Social Science Exam
SSLC EXAMINATION-2017_Modification of Social Science Exam