ഹയര്
സെക്കന്ഡറി പൊതുപരീക്ഷകളുടെ സര്ട്ടിഫിക്കറ്റുകള് ഹയര്സെക്കന്ഡറി
വിദ്യാഭ്യാസ ഡയറക്ടര് പരിശോധിച്ച് സാക്ഷ്യപ്പെടുത്തുന്നതിന് താഴെപറയുന്ന
വ്യവസ്ഥകളോടെ ഫീസ് നിശ്ചയിച്ച് ഉത്തരവായി. സര്ട്ടിഫിക്കറ്റൊന്നിന് നൂറ്
രൂപ നിരക്കിലാണ് വെരിഫിക്കേഷന് ഫീസ് ഹയര് സെക്കന്ഡറി വിദ്യാഭ്യാസ
ഡയറക്ടര് ഈടാക്കേണ്ടത്. സംസ്ഥാനത്തിനുള്ളിലുള്ള സ്ഥാപനങ്ങള്
വെരിഫിക്കേഷന് ഫീസ് 0202-01-102-97(3)other receipt എന്ന ശീര്ഷകത്തില്
സംസ്ഥാനത്തെ സര്ക്കാര് ട്രഷറികളിലും സംസ്ഥാനത്തിനു പുറത്തുള്ള
സ്ഥാപനങ്ങള് വെരിഫിക്കേഷന് ഫീസ് ജോയിന്റ് ഡയറക്ടര് (പരീക്ഷാ വിഭാഗം),
ഹയര് സെക്കന്ഡറി വിദ്യാഭ്യാസം, തിരുവനന്തപുരം വിലാസത്തില്
തിരുവനന്തപുരത്ത് മാറാവുന്ന ദേശസാല്കൃത ബാങ്കുകളിലെ ഡിമാന്റ്
ഡ്രാഫ്റ്റായും ഒടുക്കാം. കേന്ദ്ര-സംസ്ഥാന സര്ക്കാര് സ്ഥാപനങ്ങള്,
അര്ദ്ധ സര്ക്കാര് സ്ഥാപനങ്ങള് വിദേശ രാജ്യങ്ങളുടെ
എംബസികള്/സ്ഥാപനങ്ങള് എന്നിവയെ ഫീസ് ഒടുക്കുന്നതില് നിന്നും
ഒഴിവാക്കിയിട്ടുണ്ട്.